بیزه نولدو یار؟!
گئجیکدی قلبیمده اکدییین باهار
کئچمه دی شعریمدن بو ایل دورنالار
گل! سوسسون بو گئجه… گول! ، آچسین بو قار…
سسیم می قاناییر؟!بیزه نولدو یار؟!
خییابان شاهیددی اؤتن سئوگی یه
آلماسیز ناغیلدا بیتن سئوگی یه
مین گئجه شعریمده ایتن سئوگی یه
سسیم می قاناییر؟!بیزه نولدو یار؟!
او ((من ))یوخ ،بو باشقا بولوددور منده
اؤلدوردوم اونو من ،اونوتدون سن ده
نه فرقی ائشیتسن ائشیتمسن ده…
سسیم می قاناییر؟! بیزه نولدو یار؟!
بولود مرادی