" صوب 9 دا "
گئدیرم من آنا بایرام گونو صوب 9 دا
کئفلی یم اعداما بایرام گونو صوب 9 دا
قاناییر منده اؤلوم کندیری 9 گوندی
جان اکیلمیش دارا، بایرام گونو صوب 9 دا
نعشیمه چاپدیلار آتلار و باشیم کوفه ده دی
آغلاسین کربلا، بایرام گونو صوب 9 ده
اوردا قرآن قانادیندا گونش انجیل_انجیل
کافتار اسمیش بورا، بایرام گونو صوب 9 دا
من حارام "کامیل"م آی هی ... قانیمی گل یالا بیر
گامیش اولموش تولا، بایرام گونو صوب 9 دا
کاش ساعات دوققوزو تئز سآچلانا بو بایرامدا
جسدیم ساورولا، بایرام گونو صوب 9 ده
بو گؤورچیندی کی لئش_لئش یاخیلیب باغریمدا
آرزولار یول-یولا، بایرام گونو صوپ 9 دا
دردلنیب "جیهون"و توم چایلاقینی مجنون "آراز"
"نیل" قالیب زار،زارا ،بایرام گونو صوب 9 ده
اؤره ییمده 12 شئحلی مزار وار، زار_زار
دیسگینیر یان_یانا ،بایرام گونو صوپ 9 دا
وچیخار قوللاریمی اک، ایکی گوندن سورا
بو گلن بایراما ،بایرام گونو صوب 9 دا
کامیل قهرمان اوغلو